N 比例列車模型

你的購物車是空的

${{ (item.variation.media ? item.variation.media.alt_translations : item.product.cover_media.alt_translations) | translateModel }}$ ${{ (item.variation.media ? item.variation.media.alt_translations : item.product.cover_media.alt_translations) | translateModel }}$

{{ childProduct.title_translations | translateModel }}

{{ getChildVariationShorthand(childProduct.child_variation) }}

{{ getSelectedItemDetail(selectedChildProduct, item).childProductName }} x {{ selectedChildProduct.quantity || 1 }}

{{ getSelectedItemDetail(selectedChildProduct, item).childVariationName }}

{{item.quantity}}x HK$0 {{ item.unit_point }} 點

刪除

${{addonItem.product.cover_media.alt_translations | translateModel}}$

{{addonItem.quantity}}x {{ mainConfig.merchantData.base_currency.alternate_symbol + "0" }}

刪除

全新專業系列 — 港鐵 N 比例列車模型

你想的，終於等到了

千呼萬喚嘅 N比例列車模型終於俾小編等到喇！港鐵今日正式同大家公布咗港鐵第一款 N比例列車模型，仲係經典 M車。回想小編細個搭緊白頭仔，而黃頭都未翻新變 MLR（出賣年齡系列）嘅時候，小編已經開始接觸專業鐵路模型，但只可以選擇其他國家嘅鐵路模型款式，玩起上嚟自然少咗份感情。當然香港亦曾經出過一啲本地款式嘅專業鐵路模型，不過都唔係小編最愛嘅港鐵車款，而且部份仲絕咗版好耐，要搵返都唔容易，當中車身細節當然比唔上現時市場上嘅產品。不論係之前公佈嘅 1:87 HO比例同 1:160嘅 N比例系列，都代表香港同港鐵嘅鐵路模型進入一個全新嘅時代。好快大家就可以帶住香港嘅鐵路模型，行走喺世界標準嘅 HO同 N比例路軌之上，同香港及世界各地唔同嘅玩家交流，一齊補上香港以至亞洲鐵路模型嘅一塊重要拼圖。

🛤️ N比例係1:150 定1:160？

N比例係 9mm 軌距嘅鐵路模型統稱，比例一般由 1:148 至 1:160。因應唔同國家真實鐵路系統軌距同鐵路車輛大小，以及模型產品化後嘅各種因素，例如設計動力系統及細節呈現等等而作出調整，所以不能一概而論。不過簡單而言，港鐵系統各路綫均採用 1432mm 或1435mm 標準軌距，重鐵系統車卡長約 22 至 23米，寬度達 3米以上，車卡尺寸相對與歐洲列車較為接近，所以選擇歐洲鐵路模型常見嘅 1:160 比例會較為適合。而日本區域鐵路系統多採用 1067mm 窄軌軌距，列車尺寸一般比歐美列車為小，選擇較大嘅 1:150 比例，就可以平衡成品尺寸及美觀等因素。不過即使唔同國家嘅鐵路模型比例略有唔同，只要可以喺國際標準嘅 N比例路軌上行走，原則上都可以一齊玩！

🛤️ 我係新手玩乜好？

新手想進入可動鐵路模型嘅世界，不妨以港鐵 N同 HO比例專業鐵路模型開始。

N比例路軌圈嘅所需空間較少，小小嘅地方已經可以轉到彎及行駛完整編組嘅列車，仲可以加埋場景建立自己嘅「鐵路模型王國」，適合香港嘅生活空間。N比例文化亦喺香港鐵路模型群體中相對發展成熟，非常容易搵到愛好者一齊交流。新手玩家可以考慮購買入門套裝，列車模型、路軌同控制器一步到位。加上 N比例市場配套及周邊產品豐富，唔少香港鐵路模型店都主力售賣 N比例產品，無需擔心購買入門套裝之後嘅後勤配套，可以輕易擴充你嘅鐵路版圖！

對於玩樂空間較大同追求極致嘅一群，HO比例鐵路模型可以展示同呈現嘅細節更多。例如水撥同扶手等等都可以精確還原，車身顏色嘅層次感同微細嘅刻字都更容易呈現。大部啲嘅 HO比例鐵路模型，除咗拎上手更有份量，作為靜態擺設同動態馳騁都更有存在感。新手只需要購買 DC Analog 嘅 HO比例鐵路模型同軌道系統，就可以將呢份精緻嘅體驗帶返屋企。當累積一定經驗之後，HO比例嘅配套令玩家更容易進入 DCC 數碼系統嘅世界，將更真實嘅列車操作同音效等等體驗，帶到鐵路模型入面。

其實新手選擇咩比例並唔重要，最重要係按自己嘅需要同空間踏出第一步，體驗鐵路模型嘅樂趣！唔少玩家都同時擁有多於一個比例嘅鐵路模型產品，不論 N定 HO比例，只要鍾意就會收藏（小編就係其中一個）。